ТҮРКІСТАН: 8 МЫҢҒА ЖУЫҚ БАҚЫЛАУШЫ САЙЛАУДЫҢ АШЫҚТЫҒЫН ҚАДАҒАЛАЙДЫ
Мемлекет басшысы Қасым-Жомарт Тоқаев мәжіліс пен барлық деңгейдегі мәслихатты таратып, кезектен тыс сайлауын 19 наурызға белгіледі.
Осыған орай, Түркістан облысы бойынша 1 274 сайлау комиссиясы құрылды.
Олардағы жалпы комиссия мүшелерінің саны – 8 070. Бүгінгі күні барлық деңгейдегі сайлау комиссиялары толық жасақталған. Сонымен қатар, дауыс беру күні 941 сайлау учаскесінде 8 мыңға жуық байқаушы жұмыс істейді деп жоспарланып отыр.
ҚР Орталық сайлау комиссиясының бекіткен қағидасына сәйкес, байқаушылар ұсынатын қоғамдық бірлестіктерді аккредиттеу жүргізіліп жатыр.
Қазіргі таңда сайлауға байқаушыларын жолдауға ниетті 30-ға жуық қоғамдық бірлестіктерден аумақтық сайлау комиссияларына өтініштер түсті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
