ШАҒАДА ӘКІМ САЙЛАУЫ ӨТІП ЖАТЫР
Бүгін Шаға ауылдық округінде әкім сайлауы өтіп жатыр. Сайлау орталығының мәліметінше саяси маңызды шара ҚР Сайлау туралы конституциялық Заңына сәйкес жүргізілуде. Төрт сайлау учаскесі таңғы 07:00 де өз жұмыстарын бастады. Алғаш келіп дауыс берген сайлаушыларға сыйлық берілді. Ауыл әкімі болуға ниетті 2 кандидат сайлауға түсуде.
Шаға ауылында 4 945 сайлаушы бар. Тұрғындар сайлауға белсенді қатысуда. Ауыл халқы ешқандай қысымсыз дауыстарын беруге келіп жатыр. Сайлау учаскесінде барлық санитарлық нормалар сақталған. Дауыс беру барысында келеңсіз жағдайлар байқалмады. Айта кетейік, биыл бұған дейін екі ауыл округте әкім сайлауы өткен болатын.
Сауран ауданы әкімдігінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
