ТҮРКІСТАН: АУДАН ӘКІМДЕРІНІҢ САЙЛАУ ҚОРЫТЫНДЫСЫ ЖАРИЯЛАНДЫ
Бүгін облыстық аумақтық сайлау комиссиясының төрағасы Жеңіс Мақұлбаев 2023 жылдың 5 қарашасы күні пилоттық режимде өткен облыстағы 4 аудан әкімінің сайлау нәтижесі бойынша БАҚ өкілдеріне брифинг берді.
Жеңіс Тілләбайұлының айтуынша, жалпы төрт аудан бойынша 12 үміткер бақ сынаған. Нәтижесінде Бәйдібек ауданы әкімін сайлау қорытындысы бойынша 9 379 дауыс жинаған «ERNUR» корпорациясы» ЖШС директоры болып қызмет атқарып келген Ерлан Заиыпұлы Нұрмаханов сайланды. Сонымен қатар, Мақтаарал ауданы әкімін сайлауының қорытындысы бойынша Бахыт Нәсірханұлы Асанов сайлаушылардың – 29 338 дауысымен аудан әкімі болып қайта сайланды.
Бұдан бөлек, сайлаушылардың 16 016 дауысымен Созақ ауданының әкімі болып Мұхит Сексенбайұлы Тұрысбеков сайланса, Шардара ауданының әкімі болып сайлаушылардың 18 259 дауысымен Арман Романұлы Қарсыбаев сайланды.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
