ТАЗА ҚАЗАҚСТАН: САРЫАҒАШТА АУҚЫМДЫ СЕНБІЛІК ЖҰМЫСТАРЫ ҚАРҚЫНДЫ ЖАЛҒАСУДА
Туған жердің тазалығына үлес қосу – әр азаматтың азаматтық парызы. Қоршаған ортаның экологиялық ахуалын жақсартуға бағытталған «Таза Қазақстан» республикалық акциясы аясында Сарыағаш ауданында сенбілік жұмыстары тұрақты түрде жүргізіліп келеді.
Ағымдағы сенбілік барысында таңғы сағат 9:00-ден бастап белгіленген аумақтарда ауқымды тазалық жұмыстары жүргізілді. Аудан әкімі Арман Абдуллаев атқарылып жатқан жұмыстардың барысын бақылап шықты.
Жұмыс барысында облыстық маңызы бар автожолдар мен ішкі көшелер бойындағы күл-қоқыстар жиналып, 18 тонна қоқыс шығарылды. 18 шақырым Рамадан каналының бойы, 48 шақырым арық-атыздар, 78 шақырым ирригациялық жүйелер тазаланып, арамшөптер орылды. Инфрақұрылымдық нысандар ретке келтірілді. 19 арнайы техника тартылып, сенбілік жұмыстарының тиімділігі артты.
Аудандық сенбіліктің басты мақсаты — көшелердің тазалығын сақтау, сондай-ақ қоғам назарын экологиялық мәдениетті дамыту мәселелеріне аудару. Егер әр тұрғын өз ауласын таза ұстаса, бұл бүкіл өңірдің тазалығы мен көркеюіне қосылған үлкен үлес болмақ.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
