ӘДЕП ЖӨНІНДЕГІ УӘКІЛ АЗАМАТТАРДЫ ЖЕКЕ ҚАБЫЛДАДЫ
Сауран ауданы әкімінің аппарат басшысы, аудан әкімдігінің әдеп жөніндегі уәкілі Бекзат Абубакиров азаматтарды жеке қабылдап, тұрғындардың өтініш-тілектері мен ұсыныс-пікірлерін тыңдады.
Қабылдау барысында азаматтар түрлі әлеуметтік және қызметтік мәселелерді көтеріп, өздерін толғандырған сұрақтар бойынша нақты түсіндірмелер алды. Әдеп жөніндегі уәкіл әрбір өтінішті мұқият зерделеп, қолданыстағы заңнама талаптарына сәйкес тиісті кеңестер берді. Сонымен қатар, көтерілген мәселелердің бірқатары тиісті сала мамандарымен және уәкілетті мемлекеттік органдармен бірлесіп қаралып, заң аясында шешу жолдары ұсынылатыны айтылды.
Азаматтарды жеке қабылдау — халықпен кері байланысты нығайтуға, мемлекеттік органдардың ашықтығы мен есептілігін қамтамасыз етуге бағытталған маңызды тетіктердің бірі. Осы бағыттағы жұмыстар алдағы уақытта да жүйелі түрде жалғасып, тұрғындардың ұсыныс-пікірлері назардан тыс қалмайды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
