МҮЛІК ИЕЛЕРІ БІРЛЕСТІГІ (МИБ) ИНСТИТУТЫН ЕНГІЗУ МӘСЕЛЕЛЕРІ ТАЛҚЫҒА ТҮСТІ
Шымкент қаласының қалалық орта сапасы және бақылау басқармасының ұйымдастыруымен мүлік иелері бірлестіктерінің (МИБ) институтын енгізу жөніндегі реформаны іске асыру және 2021-2022 жылғы қысқы жылыту маусымына дайындық бойынша жиын өтті.
Аталған іс-шараға аудандық әкімдіктердің және басқа да тиісті мекемелердің қызметкерлері қатысты. Атап айтқанда, ҚР Кооперативтер Ұлттық қауымдастығының президенті Қ.Шайх мүлік иелерінің бірлестігі институтын енгізу бойынша өз пікірін ортаға салды.
Жиында Нұр-Сұлтан және Алматы қалаларында осы бағытта атқарылған жұмыстар баяндалып, тұрғындардың осы салаға қатысты сұрақтарына жауаптар берілді.
Сондай-ақ, жиында қала тұрғындарының 2021-2022 жылғы жылыту маусымына дайындығы бойынша атқарылған жұмыстар пысықталып, аудан әкімдеріне тұрғындарға тұрмыстық газды пайдалану ережелерін түсіндіру бағытында тиісті шаралар жүргізуге нақты тапсырмалар берілді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
