ҚАЗАҚСТАН ХАЛЫҚ ПАРТИЯСЫ АЛДАҒЫ САЙЛАУҒА ҚАСЫМ-ЖОМАРТ ТОҚАЕВТЫҢ КАНДИДАТУРАСЫН ҚОЛДАДЫ
Елордада «Қазақстан Халық партиясының» кезектен тыс XXI съезі өтіп жатыр.
Партия төрағасы Ермұхамет Ертісбаев кезектен тыс құрылтай Қазақстан ғана емес, сонымен қатар барша адамзат тағдыры үшін сындарлы кезеңде өтіп жатқанын айтты.
«Қазір ішкі саяси ойындар мен талқылаулар жүргізетін кезең емес. Осы орайда ел бірлігі басты құндылығымыз болып отыр. Сондықтан 1 қыркүйекте Мемлекет басшысы халыққа Жолдауында ҚР президентін кезектен тыс сайлау туралы шешімді жариялаған бойда, партия алдағы осы науқанға орай саяси күштердің ішінде бірінші болып Қасым-Жомарт Тоқаевтың кандидатурасын қолдады»,
— деді Е. Ертісбаев.
Бұл тұрғыда ол партия ел мүддесін басшылыққа алып отырғанын атап өтті. Яғни әлемдегі қазіргі күрделі кезеңде халық пен елдің мүддесі, мемлекеттік тұрақты дамуы бәрінен жоғары болуы тиіс.
«Бүгінгі съездің мінберінен барлық партия мен ұйымдарға, республикалық қоғамдық бірлестіктерге Қазақстан Халық партиясының осы басты үндеуін назарға алуға шақырамын»,
— деді партия төрағасы.
«Осыған дейін айтқанымдай, біз ҚР президентін кезектен тыс сайлауда Мемлекет басшысы Қасым-Жомарт Тоқаевтың кандидатурасын қолдаймыз»,
— деді Ермұхамет Ертісбаев.
Съез барысында делегаттар ҚР президентін кезектен тыс сайлауда кандидат ретінде Қасым-Жомарт Тоқаевты ұсыну мәселесін талқыға салып, қолдау көрсетті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
