КОММУНАЛДЫҚ МӘСЕЛЕЛЕР ҚАРАЛДЫ
Аудан әкімінің орынбасары Ербол Жанғазиевтің төрағалығымен коммуналдык сала бойынша жиын болып өтті. Онда «Сауран-Су» және «Сауран қызмет», «Газ инспекциясы» мекемелерінің басшылары мен тұрғын үй коммуналдық шаруашылығы, жолаушылар көлігі және автомобиль жолдары бөлімінің мамандары қатысты.
Күн тәртібінде жол, газ, жарық және жылу салалары бойынша мәселелер кеңінен тарқатылып айтылды. Одан әрі аудан көлемінде алдағы жоспарлар мен атқарылатын жұмыстар баяндалды. Мәжілісте ауданға қарасты ауылдық округтерді газбен қамту мәселесі де қаралды. Жоспарға сай жүзеге асатын ауқымды жұмыстар кезең-кезеңімен орындау жөнінде тапсырма берілді.
“Өткен жылы ауданда жүргізілген қарқынды жұмыстар негізінде көптеген тұрғын жол мәселесінен құтылып, жаңа жолдың игілігін көрді. Биыл да бұл жұмыстар қарқынды түрде жалғасады”, — деді аудан әкімінің орынбасары Ербол Жанғазиев.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
