ТҮРКІСТАН: ШАРДАРАЛЫҚ ҚОЛ КҮРЕС ШЕБЕРЛЕРІ ЕЛ ЧЕМПИОНАТЫНДА 16 АЛТЫН МЕДАЛЬ АЛДЫ
Ақмола облысы Щучинск қаласында армрестлингтен ересектер арасында Қазақстан Республикасы чемпионаты өтті. Аталған дүбірлі додаға еліміздің түкпір-түкпірінен кіл мықты спортшылар жиналып, жарыс өте тартысты өтті. Түркістан облысының «Шардара Армспорт» құрамасының спортшылары 16 алтын медаль алып, командалық есепте І орынды иеленді.
Жеңіс тұғырынан көрініп, облыс абыройын асқақтатқан білектілердің 14-і — ер азаматтар болса, 2-і бұрымдылар. Айта кетейік, жарыс жеңімпаздары алдағы Молдова елінде өтетін әлем чемпионатына жолдама алды.
Түркістан облысының Өңірлік коммуникациялар қызметі
———
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
