АУДАН ӘКІМІ ТҰРҒЫНДАРДЫ ЖЕКЕ МӘСЕЛЕЛЕРІ БОЙЫНША ҚАБЫЛДАДЫ
Сауран ауданының әкімі аудан Мақсат Таңғатаров тұрғындарының жеке мәселелерін тыңдау мақсатында жеке қабылдау өткізді. Қабылдауға жалпы 7 азамат жазылып, түрлі әлеуметтік, мәдени және шаруашылық мәселелер көтерілді.
Көтерілген сұрақтардың қатарында зағип жандар үшін мәдени іс-шаралар ұйымдастыру, жеңілдетілген несие алу, ауданның тазалық және полигон мәселелері, тарихи-мәдени нысандарды дамыту, жер қатынастары және еңбек ардагерлерін марапаттау сияқты маңызды тақырыптар болды.
Барлық өтініштер бойынша жауапты бөлімдерге тиісті тапсырмалар беріліп, кейбір мәселелер бойынша нақты шешімдер қабылданды. Мәселен, мәдени іс-шаралар бойынша жоспарлар жасалып, қолдау көрсетілсе, ауыл шаруашылығын дамытуға бағытталған жобалар аясында несие алу мүмкіндіктері түсіндірілді.
Сонымен қатар, аудан аумағындағы полигондарды реттеу жұмыстары жүргізіліп, тарихи орындарды дамыту бойынша ұсыныстар қарастырылуда. Жалпы алғанда, жеке қабылдау қоғамдық өзекті мәселелерді талқылаудың маңызды алаңы ретінде қызмет етіп, тұрғындардың мүдделеріне қызмет етеді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
