СЕРПІНДІ ӨТКЕН СЕНБІЛІК
Бүгін аудан әкімінің бекіткен іс-шара жоспарына сәйкес аудан орталығы Шәуілдір ауылында ауыл тұрғындары мен барлық мекеме қызметкерлерінің қатысуымен жалпыхалықтық сенбілік өтті.
Сенбілік жұмыстары барысында көшелер мен саябақтар, арық-атыздар тазаланып, егілген көшет талдар суғарылды. Саябақтарға ағаш көшеттерін егумен қатар, ескі талдардың түбін әктеп, қоршауларды сырлап, ауылдың ажарына сән қосты. Биыл отырарлықтар жерімізде өсуге бейім жалпы саны 50 мыңға жуық түрлі ағаш көшеттерін отырғызады.
Одан бөлек арнайы орындар мен мекемелердің қоршаулары сырланып, аудан орталығындағы көше бойларында қураған арам шөптер оталып, қоқыс қалдықтары тазартылды.
Сенбілік жұмыстарына аудан орталығынан бөлек барлық ауыл округтерінің тұрғындары да қатысып, белсенділік танытты. 1000-ға жуық азамат қатысқан сенбілік жұмыстарына 8 арнайы техника жұмылдырып, 4 тоннаға жуық қоқыс шығарылды.
Жалпыхалықтық шара барысында ауызбіршілік пен ынтымақтың ерен үлгісін көрсеткен көпшілік көңілді әрі белсенді қимылдап, тазалық жұмыстарына біркісідей атсалысты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
