ЖЕРГІЛІКТІ КӘСІПКЕРЛЕР СҮТ ӨНІМДЕРІН ШЕТЕЛ НАРЫҒЫНА ШЫҒАРМАҚ
Қала аумағында қазіргі уақытта ауыл шаруашылығы өнімдерін қайта өңдеуші 50-ден астам кәсіпорын жұмыс істейді. Оның ішінде, сүтті қайта өндеумен айналысатын 10 кәсіпорын бар. 2024 жылы сүт өндейтін кәсіпорындар 5 499,0 тонна қатты ірімшік және 1 438,2 тонна сары май өндірген. Осы бағыттағы кәсіпорындарға мемлекеттік қолдаулар көрсетіліп, жыл сайын өнім қуаттылығы да арта түсуде. Шаһарда осы саладағы белгілі мекеменің бірі – «BIO FOOD KZ» ЖШС. Аталған кәсіпорынның негізі 2022 жылы қаланып, алғашында 15 адаммен жұмысын бастаған еді. Бүгінде жергілікті компания тәулігіне 25 тоннадан астам сүтті қайта өңдеп, сары май, қатты ірімшік және басқа да өнімдермен ішкі нарықты қамтамасыз етіп отыр. Еліміздің басқа қалаларына да өз өнімдерін ұсынуда. Мемлекеттік қолдаудың арқасында кәсіпорынның қуаттылығы артып, қатты ірімшік өндірісі дамып келеді. Сонымен қатар, кәсіпорын қала аумағында өтетін жәрмеңкелерге қатысып, азық-түліктің бағасын тұрақтандыруға өз үлесін қосып жүр. Жергілікті кәсіпкерлер алдағы уақытта өз өнімдерін шет елдерге – Өзбекстан мен Біріккен Араб Әмірлігіне экспорттауды жоспарлап отыр.Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
