ШЫМКЕНТТЕ «ҚАУІПСІЗ ЖОЛ» ІС-ШАРАСЫ ӨТУДЕ

Бүгін Шымкент қаласында жол қозғалысы қауіпсіздігін арттыруға бағытталған «Қауіпсіз жол» жедел-профилактикалық іс-шарасы басталды. Аталған шара 30 қыркүйекке дейін жалғасады.

Іс-шараның негізгі мақсаты — жол-көлік оқиғаларының алдын алу, жол қозғалысы ережелерінің бұзылуын болдырмау, қоғамдық тәртіпті сақтау, сондай-ақ заңсыз жолаушылар тасымалына тосқауыл қою.

Полиция қызметкерлері көлік жүргізушілерінің жол ережелерін сақтауын қатаң бақылауға алып, түсіндіру жұмыстарын жүргізуде. Сонымен қатар, рейд барысында құқық бұзушыларға қатысты әкімшілік шаралар қабылданатын болады.

Полиция департаменті тұрғындарды жолда мұқият болуға, ережелерді сақтауға және қауіпсіздік мәдениетін арттыруға шақырады.

Қоғамдағы әрбір азаматтың өмірі мен денсаулығы – мемлекет үшін ең қымбат құндылықтардың бірі. Бүгінгі таңда жол-көлік оқиғаларының көбеюі қоғамның өзекті мәселесіне айналды. Осыған байланысты Ішкі істер министрлігі мен жол-полиция қызметкерлері жол қауіпсіздігін қамтамасыз ету мақсатында жыл сайын «Қауіпсіз жол» жедел-профилактикалық іс-шарасын өткізеді.

«Қауіпсіз жол» – бұл еліміз бойынша өткізілетін кешенді іс-шара, оның басты мақсаты – жол-көлік оқиғаларының алдын алу, жол қозғалысы ережелерін сақтау деңгейін арттыру, жүргізушілер мен жаяу жүргіншілер арасында түсіндіру жұмыстарын жүргізу.

Іс-шара кезінде жол-полиция қызметкерлері: көлік жүргізушілердің жылдамдық режімін сақтауы, мас күйінде көлік жүргізбеуі, жол жаяу жүргіншілер өткелдерін дұрыс пайдалануын қадағалайды.

Сонымен қатар, мектептерде және білім беру ұйымдарында жасөспірімдерге арналған жол ережелері бойынша дәрістер, тренингтер, түсіндіру акциялары өткізіледі. Мақсат – балалардың жолда өздерін қауіпсіз ұстауды үйренуі және ата-аналардың жауапкершілігін арттыру.

«Қауіпсіз жол» акциясының маңызы өте зор, өйткені ол: жолдағы тәртіп пен мәдениеттілікті қалыптастырады; қауіпсіздік белдігін тағу, жылдамдықты шектеу, жаяу жүргіншілерге жол беру секілді ережелердің сақталуына ықпал етеді; азаматтардың жолда жауапкершілікпен жүруін арттырады. Бұндай шаралардың нәтижесінде жол апаттарының саны азайып, адамдардың өмірі мен денсаулығы сақталады.

Қауіпсіз жол – әрбір адамның саналы әрекетінен басталады. «Жолдағы қауіпсіздік – өмірдің кепілі». Сондықтан бәріміз де жол ережесін бұлжытпай сақтап, өз өмірімізге және өзгенің өміріне жауапкершілікпен қарауымыз керек. «Қауіпсіз жол» іс-шарасы – ел болашағының амандығы мен тәртібінің кепілі.