БАЛУАННЫҢ ҰРПАҚТАРЫ
Қажымұқан Мұңайтпасұлы тағдырдың жазуымен болар төрт рет отбасы құрып, төрт әйел алғаны белгілі. Алғаш Рига қаласында гострольмен жүргенде ат үстінде ойнайтын цирктегі поляқтың акробат қызы Н.Н.Чепковскаямен, содан елге келгеннен кейін 1925 жылы екінші рет қазақ әйелі Ырыстыға, үшінші некесі әмеңгерлікпен қосылған Мінайымға үйленеді.
1944-45 жылдардың бірінде палуан төртінші әйелі Бибіжан Бүркітқызымен отандасады. 1948 жылы дүниеге палуанның кенже ұлы Жанабіл Қажымұқанов келеді.
Әкесінің жолын қуған ұлы, Қазақстан Республикасының еңбегі сіңген жаттықтырушы болып, облыстық спорт саласында еңбек етіп, спортшылар дайындауда өз үлесін қосқан азаматтардың бірі болды. Бүгінде кенже ұлдың отбасы Шымкент қаласында, ұл — қыздары жеке — жеке отбасы болып тұрып жатыр. Жанабіл Қажымұқанов 2001 жылы өмірден озған.
Қажымұқан Мұңайтпасұлы 1948 жылы тамыз айының 16 жұлдызында қайтыс болды. Сол кездегі тұрып жатқан елді — мекенге, палуанның өз өтініші бойынша денесі үйінің жоғарғы жағына, үш жүз метр қашық жердегі зиратқа қойылды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
