ТӨТЕНШЕ ЖАҒДАЙ КЕЗІНДЕ ТАЗАЛЫҚ МЕКЕМЕЛЕРІ ҚАЛЫПТЫ РЕЖИМДЕ ЖҰМЫС АТҚАРУДА
Шымкентте төтенше жағдай кезінде қала тазалығын сақтау және қоқыстан тазарту жұмыстары бойынша ұйымдастыру шаралары тиісті деңгейде онындалуда. Қаладағы тазалық мекемелері жұмыстарын кестеге сай атқаруда.
Әл-Фараби ауданы аумағындағы басты көшелердің тазалығын «ЛТД Тұрмыс» ЖШС-ы қамтамасыз етуде. Бүгінде көшелерді сыпыру, қоқыстан тазарту жұмыстарына 235 жұмысшы және 72 арнайы техника жұмылдырылған.
Ал ішкі орамдық көшелер мен көпқабатты үй аулаларының тазалығын «Айдынбек» және «Нұреке Азия Бизнес» ЖШС-ы атқаруда. Санитарлық тазалық жұмыстары 140 қызметкер мен 9 арнайы техника көмегімен жүргізілуде.
Жалпы аудан аумағы бойынша тазалық жұмыстары кестеге сай тұрақты жағдайда атқарылып отыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
