ШАҒА АУЫЛЫ ТҰРҒЫНДАРЫМЕН ЖИЫН ӨТТІ
Шаға ауылдық округі тұрғындарымен ҚР Президентін сайлаудың қорытындысын қолдауға арналған жиын өтті. Жиынға Шаға бастауыш партия ұйымы төрайымы М. Алиева, партия белсендісі және ауыл тұрғындары қатысты.
Шаға БПҰ төрайымы М.Алиева баяндама жасап, сайлауға белсене қатысып ҚР Президенттігіне Қ.Тоқаевты таңдап сенім білдірген ауыл тұрғындарына алғысын білдірді.
Ауыл тұрғындары тарапынан сөз алған мектеп мұғалімі Ж. Махамбетова Шаға ауылының тұрғындары қашанда ұйымшыл, ауызбіршілікті нық ұстанған халық, кешегі өткен сайлауда ауыл болып бірауыздан Қ.Тоқаевты қолдап болашағымызды сеніп тапсырдық, ол кісінің сайлауалды бағдарламалары да ауыл тұрғындарының көңілінен шығып отыр. Біздің белсенділігімізді ескеріп келгендеріңізге рақмет, қашанда ел басқарып отырған азаматтарға сеніміміз мол, еліміз тыныш жұртымыз аман болсын — деп ақ баталарын берді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
