КӨЛІК ШИНАСЫН АУЫСТЫРМАҒАН 298 ЖҮРГІЗУШІГЕ АЙЫППҰЛ САЛЫНДЫ
Бүгінде жол жүру қауіпсіздігі өзекті мәселелердің бірі.
Шымкент қалалық Полиция департаментінің мәліметіне сәйкес, қыс айларында жазғы шинамен жүрген 298 жүргізушіге Әкімшілік кодекстің 590-бабымен 5 айлық есептік көрсеткіш көлемінде айыппұл салынған. Олардан өндірілетін сома 912 мың 774 теңгені құрап отыр.
Жалпы қар жауған кезде орын алған жол-көлік оқиғаларының негізгі себептері де осы, яғни жүргізушілер жауапкершілік танытпай, қыстық шиналарын өз уақытында ауыстырмайды. Ал кейбір шиналар стандартқа сай емес. Бұл өз кезегінде жол қауіпсіздігін бұзуға әкеп соғуда.
Салдарынан жүргізушілер өздеріне материалдық шығын келтіргеннен бұрын, өзгелерге зиянын тигізуде.
Соңы қайғылы жағдайға душар етпесін десек, жол жүру қауіпсіздігін сақтайық!
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
