ШЫМКЕНТ: ЖАУЫН-ШАШЫННАН ОЙЫЛҒАН ЖОЛДАРДЫ ҚАЙТА ҚАЛПЫНА КЕЛТІРУ ЖҰМЫСТАРЫ БАСТАЛДЫ
Бүгін Шымкент қаласының әкімі Мұрат Әйтенов арнайы жиын өткізіп, жауын-шашын салдарынан шұңқырлар пайда болған жолдарды қайта қалпына келтіру бойынша бірқатар тапсырма берді. Бүгінде ойылған жолдарды жамау жұмыстарын жүргізу үшін әр ауданға 5 бригададан бөлініп отыр.
«Уақытша жамау жұмыстары асфальт зауыты қайта іске қосылғанға дейін қарқынды жүргізілуі тиіс. Кәсіпорын ашылған соң орталық және ішкі орам көшелердегі ойықтарды асфальттеу жұмыстарына кірісіңіздер. Жолдарды қайта қалпына келтіру жұмыстарын Наурыз айының соңына дейін толық аяқтаңыздар» — деді қала әкімі.
Жолдарды күтіп үстау үшін жауаптыларға Полиция департаменті қызметкерлерімен бірлесе отырып, қала көшелерінде ауыр жүк көліктерінің козғалысына тұрақты мониторинг жүргізуді тапсырды. Мұрат Дүйсенбекұлы жолдағы көлік қозғалысына қолайлы жағдай жасау үшін ең алдымен жол құрылысының сапасын қадағалау қажеттігін ескертті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
