ҰЛЫ ЖЕҢІСКЕ 78 ЖЫЛ!
Бәйдібек ауданында мамыр айындағы қос мерекеге арналған салтанатты іс-шара болып өтті. Жиынға аудандық полиция бөлімінің қызметкерлері, жастар орталығының өкілдері мен мектеп оқушылары қатысты.
Мерекелік шарада Жеңіс туы салтанатты түрде көтеріліп, «Данқ» мемориалдында соғыс жылдарында ерлікпен қаза тапқандар ескерткішіне гүл шоқтарын қою рәсімі өтті. Майдан даласында қаза болған жауынгерлерімізді бір минут үнсіздікпен еске алды.
Сонымен қатар оқушылар арасында саптық жүрістер өткізіліп, ардагерлерге ерекше құрмет көрсетілді. Іс-шара соңында шағын мерекелік концерт болып өтті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
