ТҮРКІСТАН ОБЛЫСЫНЫҢ ТҰРҒЫНЫНАН 3900-ДЕН АСТАМ «КӨКНӘР» ТӘРКІЛЕНДІ
Түркістан облысы ПД Есірткі қылмысына қарсы іс-қимыл басқармасының қызметкерлері мен Қазығұрт ауданының полицейлері бірлесіп, жедел-іздестіру іс-шаралары барысында жергілікті тұрғынның бірінің үйінен құрамында есірткі заты бар өсімдік егілгенін анықтады.
Нақтырақ айтсақ, жедел уәкілдер есірткі өсімдігін сақтап, өсіруге күдікті ретінде Қазығұрт ауданының тұрғынын анықтады. Полицейлер аталмыш ауыл тұрғынының үйін тінту кезінде, оның бақшасынан «көкнәрға» ұқсас 3900-ден астам есірткі түптерін тауып, тәркіледі.
Сараптама қорытындысына сәйкес, алынған өсімдіктің жалпы салмағы 160 келіден асатын «көкнәр» екені расталды. Аталған жайт ҚР ҚК-нің 300-бабы «Құрамында есірткі заттары бар өсіруге тыйым салынған өсімдіктерді заңсыз өсіру» бойынша тіркелді.
Қазіргі уақытта сотқа дейінгі тергеу амалдары жүргізілуде. Күдікті қамауда . Істің толық мән-жайы анықталуда.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
