ПОЛИЦЕЙЛЕР АККУМУЛЯТОР ҰРЛАҒАН КҮДІКТІНІ АНЫҚТАДЫ
Мақтаарал аудандық полиция бөліміне жергілікті тұрғындардың бірі аккумулятор ұрлығы бойынша арызданды. Жәбірленушінің айтуынша, күндізгі уақытта белгісіз біреу оның «ВАЗ-21013» маркалы көлігінен аккумуляторын жымқырып, мүліктік зиян келтірген.
Оқиға орнына дереу шыққан жедел-тергеу тобы ұрлық қылмысын ашу үшін қажетті іздестіру шараларын жүзеге асырды. Осы іске бекітілген тергеуші полиция аға лейтенанты И.Пердехан шұғыл әрекет етіп, тиісті тексеру жүргізіп, зерттеу тағайындады.
Нәтижесінде тәртіп сақшылары 1 тәулік ішінде күдіктіні анықтады. Ол жәбірленушінің ауылдасы жергілікті тұрғын болып шықты. Тексеру кезінде күдікті бөтеннің мүлкін сатып жіберіп, ақшасын бас пайдасына жаратып жібергені белгілі болды.
Аталған жайт ҚР ҚК-нің 188-бабы «Ұрлық» бойынша тіркеліп, сотқа дейінгі тергеу жүргізілді. Нәтижесінде іс заңды шешім қабылдау үшін сотқа жолданды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
