СОЗАҚТА СОҒЫС АРДАГЕРІ САЙЛАУДА ДАУЫС БЕРДІ
Ұлы Отан соғысының ардагері Мырзахмет Жылысбаев алғашқылардың бірі болып өз таңдауын жасады. Саналы ғұмырын Созақ ауданының дамуына арнап, елге қызмет еткен ардагер Сызған ауыл округіндегі №701 сайлау учаскесінде дауыс берді. Қария бүгінгі маңызды саяси науқан әділ өтсін деп бата берді.
— Еліміздің, ауданымыздың болашағы үшін әрбір азаматтың дауысы маңызды. Сондықтан мен де жасым 90-нан асқаныма қарамастан таң сәріден келіп, өз таңдауымды жасадым. Саяси науқаннан шет қалмадым. Қашанда еліміз аман, бейбітшілік заман болсын,– деп ізгі тілегін жеткізіп, сайлау комиссиясының жұмысына табыс тіледі.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
