ТҮРКІСТАНДА 5 ҚАБАТТЫ 20 ҮЙ САЛЫНУДА
Түркістан қаласындағы «Отырар» мөлтек ауданында көппәтерлі 5 қабатты 20 үйдің қабырғасы қалануда. Қала әкімі Нұрбол Тұрашбеков құрылыс басына барып, жұмыс барысын тексерді.
Құрылысшы мердігерлер шаһар басшысына жоба бойынша жүзеге асқан жұмыстарын баяндап, жоспарларымен бөлісті. Техникалық қадағалаушы өкілдер өндірістік кестеде көзделген мерзімнің және келісімшарт талаптарының сақталуына қатысты есеп беріп, құрылыс жұмыс күшін арттыруды қажет ететінін атап өтті. Қазіргі таңда мұнда 4 үйдің жертөле негіздеріне бетон құйылуда, 5 үйдің 1-қабаты, 5 үйдің 2-қабаты, 5 үйдің 3-қабаты, 1 үйдің 4-қабаты қалануда.
Қала әкімі басты талап – үйлердің сапасы екенін ескертіп, нысан құрылысы мерзімінен кешікпей аяқталуы керектігін айтты. Құрылыс барысы қатаң бақылауда болады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
