«ТАЗА ҚАЗАҚСТАН»: ОБЛЫС ОРТАЛЫҒЫНДАҒЫ ТАРИХИ ЕСКЕРТКІШТЕРДЕ ТАЗАЛЫҚ ЖҰМЫСТАРЫ ЖАЛҒАСУДА
«Таза Қазақстан» республикалық экологиялық акциясы аясында өтіп жатқан «Киелі мекен» апталығында Түркістан қаласындағы киелі тарихи орындарда тазалық жұмыстары жүргізілуде.
Бүгін орталықтағы Қазақ хандығына арналған мемориалдық кешеннің аумағы қоқыстардан тазартылып, көгалды аумағына күтім жасалды. Келушілерге арналған орындықтар мен қоқыс жәшіктері боялып, тазаланды.
Іс-шараға атсалысқан тұрғындар экоакцияның тазалық мәдениетін қалыптастыруда тәрбиелік мәні зор екенін жеткізіп, түркістандықтарды акцияға үлес қосуға шақырды.
Айта кетейік, бұған дейін апталық басталғалы Ясауи кесенесі аумағы тазаланып, 62 мыңнан астам гүл егілді. Сонымен қатар шаһардағы мәдениет ошақтары да өз аумақтарында санитарлық тазалық жұмыстарын жүргізіп, ағаштар отырғызды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
