«ЖАСЫЛ АЙМАҚ»: ҚАЗЫҒҰРТ АУДАНЫНЫҢ ЕЛДІ МЕКЕНДЕРІНДЕ СЕНБІЛІК ЖҰМЫСТАРЫ ЖҮРІП ЖАТЫР
«Таза Қазақстан» республикалық экологиялық акциясының «Жасыл аймақ» апталығы аясында Қазығұрт ауданында абаттандыру және көгалдандыру жұмыстары қарқын алды. Елді мекендерде ағаш көшеттері отырғызылып, әктеу, бұтау шаралары жүргізілді. Сонымен қатар, жасыл желек қоршаулары ретке келтіріліп, бағаналар сырланды. Одан бөлек, арық-атыздар тазаланып, күл-қоқыстар тазартылды.
Акция аясында аудандағы Қызылқия ауылы округіндегі Ынталы елді мекенінде ауқымды сенбілік жұмыстары ұйымдастырылды. Сенбілікке барлық мекеме қызметкерлері, белсенді жастар мен ауыл тұрғындарынан жалпы 150 адам қатысты.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
