ТҮРКІСТАН: САЙРАМДЫҚ ЖАС СПОРТШЫ ҚЫЗДАР ЕЛ ЧЕМПИОНАТЫНДА 4 МЕДАЛЬ ЕНШІЛЕДІ
Астана қаласында фунакоши-каратэден балалар арасында Қазақстан чемпионаты өтті. Еліміздің түкпір-түкпірінен келген 350-ге жуық жас спортшы өз шеберліктерін көрсетіп, бақтарын сынады.
Еліміздің фунакоши-каратэ федерациясының ұйымдастыруымен өткен жарыста сайрамдық жас спортшылар 4 медалға ие болды. 5-6 жасар қыздар арасында 20 келі салмақ дәрежесінде Айлан Орал алтын медаль алса, осы салмақ дәрежесінде Қаракөз Исарулла күміс жүлдені қоржынға салды. Ал 9-10 жасар қыздар арасында Камшат Жарылқап күміс медаль иеленді. Сонымен қатар, 11-12 жасар қыздар арасында 35 келі салмақ дәрежесінде сынға түскен Ақкенже Таныбек қола медальді қанағат тұтты.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
