БҮГІН АУДАН ӘКІМІ АЗАТ ОРАЛБАЕВ АУДАНДЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР БӨЛІМІ ТАРАПЫНАН
«1 маусым — Халықаралық балаларды қорғау күніне» орай ұйымдастырылған шараға қатысып, мүмкіндігі шектеулі балаларды мерекемен құттықтады. Сондай-ақ бірқатар үздік бүлдіршінге алғыс жариялап, сыйлықтар табыстады.
Мерекелік шараға аудандық мәслихаттың төрағасы Бақдәулет Жұмабеков, облыстық мәслихаттың депутаты Ғани Раимбеков, аудандық мәслихаттың бір топ депутаттары да қатысып, сөз сөйлеп, сый-сияпат үйлестіріп берді.
Өз кезегінде ата-аналар жомарт жандар тарапынан балаларының көңілдері үшін жасалынып жатқан игі істерге ризашылықтарын білдірді.
Шара барысында өнерлі балалар ән айтып, би билеп, көпшіліктің көңілін көтерді.
Айта кету керек, аудандық жұмыспен қамту және әлеуметтік бағдарламалар бөлімінде 170, “Шапағат” оңалту орталығында 29 бала тіркеуге алынған.
Аудан әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
