Әл-Фараби ауданында көгалдандыру жұмыстары жүйелі жүргізілуде
Шымкент қаласының Әл-Фараби ауданында тамырын тереңге жайған мәуелі ағаштар мен жайқалған гүлдерге айрықша көңіл бөлініп отыр. Бүгінде аудан әкімдігінің жауапты мамандары аудандағы жасыл-желектердің жағдайын жіті тексеруді қолға алды.
Қазіргі кезде ауданға қарасты көше бойларындағы ағаштарды пішімдеп кесу жұмыстары жүргізілуде. Жайқалған гүлдерді арамшөптерден тазалап, түбін босату, суғару жұмыстары да қатар атқарылуда.
Сондай-ақ, аудан әкімі Рашид Мыңбаев жасыл-желектерді күтіп-ұстауға жауапты «Build stroi» және «Назар» ЖШС мекемелеріне дарақтар мен гүлдерге дұрыс күтім жасауды тапсырды.
Басты және ішкі орамдық көшелердегі газондарды қырқу, шөп ору жұмыстары да назардан тыс қалмайды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
