ОБЛЫСТАҒЫ ӨЗЕКТІ МӘСЕЛЕЛЕР ҚАРАЛДЫ
Түркістан облысының әкімдігінде облыстағы қоғамдық-саяси ахуал бойынша штаб отырысы өтті. Облыс әкімінің орынбасары Ертай Алтаевтың төрағалығымен өткен мәжіліске құқық қорғау органдарының өкілдері, жауапты басқарма басшылары және онлайн режимде аудан, қала әкімдерінің орынбасарлары қатысты.
Басқосуда білім, спорт, ауыл шаруашылығы және өзге де салалардағы мәселелер қаралып, жауапты басқарма өкілдері баяндама жасады. Баяндамашылар өзекті мәселелерді саралап, олардың шешу жолдарын ұсынды. Сонымен қатар қоғамдық-саяси ахуал бойынша атқарылған жұмыстар таныстырылды.
Жиын барысында Ертай Кенжебекұлы Мемлекет басшысының «Халық үніне құлақ асатын мемлекет» тұжырымдамасын негізге алып, ел бірлігін сақтау, тұрақтылықты нығайту бағытындағы жұмыстарды үнемі жандандыру керектігін атап өтті. Сондай-ақ спорт пен білім саласындағы түйткілдерді уақытылы шешу басты назарда болуы қажеттігін жеткізді.
Жиын соңында облыс әкімінің орынбасары тиісті сала өкілдеріне хаттамалық тапсырмалар жүктеп, олардың жүйелі орындалуын қатаң қадағалауды ескертті.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
