Мүлік иелері бірлестігінің саны артуда
Шымкент қаласы Әл-Фараби ауданында меншік иелеріне кондоминиум нысанын басқарудың жаңа түрі – МИБ (мүлік иелері бірлестігі) және ҚС (қарапайым серіктестік) жайлы түсіндіру жұмыстары күнделікті жүргізілуде.
Аудан әкімі Рашид Мыңбаев жауапты мамандармен бірге жаңашылдықты әлі толық түсіне алмай жүрген көпқабатты үйлердің тұрғындарына түсіндіріп, жаңа басқару түрлерінің айырмашылығын айтуда. Аулада ұйымдастырылатын жиналыстарда «Бір үй-бір бірлестік- бір шот» қағидаты туралы кеңінен мағлұмат беріліп жатыр.
Ұсынылып отырған үйді басқарудың жаңа формасы бірқатар артықшылыққа ие. Ең басты ерекшелігі – үй тұрғындарының өздері меншік иелері болып, қызмет көрсететін ұйымның ай сайынғы жарналарына кететін қаражатты өздері басқаруға мүмкіндігі бар.
Бүгінде аудан аумағында 123 тұрғын үйде жай серіктестік, 46 көпқабатты тұрғын үйде мүлік иелерінің бірлестігі құрылды.
Айта кетейік, пәтер иелері 2022 жылдың 7 қаңтарына дейін тұрғын үйді басқарудың бір формасын таңдауы тиіс.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
