ҚАЛАЛЫҚ МӘСЛИХАТЫНЫҢ КЕЗЕКТЕН ТЫС XXXVI СЕССИЯСЫ ӨТТІ
Бүгін сегізінші шақырылымдағы Түркістан қалалық мәслихатының кезектен тыс XXXVI сессиясы өтті. Сессия жұмысына қала әкімі Әзімбек Пазылбекұлы, қалалық әкімдік аппаратының өкілдері, мәслихат депутаттары және жауапты бөлім басшылары қатысты. Жиынды қалалық мәслихат төрағасы Ғаппар Амантайұлы жүргізді.
Сессияның күн тәртібіне екі маңызды мәселе енгізілді. Атап айтқанда:
– Түркістан қалалық мәслихатының 2024 жылғы 24 желтоқсандағы №27/115-VIII «2025–2027 жылдарға арналған қалалық бюджет туралы» шешіміне өзгерістер енгізу туралы;
– Түркістан қаласының өңірлік нышанының сипаттамасы мен бейнесін бекіту туралы.
Күн тәртібіндегі мәселелер жан-жақты талқыланып, депутаттар тарапынан ұсыныстар мен пікірлер айтылды. Қаралған мәселелер бойынша тиісті шешімдер қабылданды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
