«OTBASY FEST» ЖАС ОТБАСЫЛАРҒА СЕРПІН БЕРДІ
Шымкент қаласында Отбасы күні мерекесі қарсаңында бірқатар іс-шаралар ұйымдастырылды. Мемлекет басшысының бұқаралық спортты дамыту тапсырмасы негізінде «OTBASY FEST» атты отбасылық сайыс жас отбасыларға серпін берді.
А. Асқаров атындағы дендросаябақта «Рухани қоғам әлемі» қорымен бірлесіп өткен іс-шараға 10 отбасы қатысып, бақтарын сынады. Жарыста бірінші орын алған Ниязалиевтер отбасына теледидар берілді. Іс-шараға белсене қатысқан он отбасы Алғыс хаттармен және демеушілер есебінен түрлі сыйлықтармен марапатталды.
Қалалық жұмыспен қамту және әлеуметтік қорғау басқармасының қолдауымен «SHANYRAQ» орталығында өткен арнайы іс-шараларда көпбалалы аналар қуанышқа кенеліп, еңбектері еленді.
«Ізгілікте жарысайық» қорымен бірлескен «Отбасындағы бала тәрбиесі» тақырыбында арнайы психологиялық тренинг және «Отбасы – Отан тірегі» атты іс-шара өткізілді.
Аталған жиынға Шымкент қаласының жұмыспен қамту және әлеуметтік қорғау басқармасының басшысы Б.Нарбекова, қалалық мәслихат депутаты Н.Керімбаева қатысып, батыр аналарға еліміздің демографиясына қосқан үлестері үшін ризашылығын білдірді.
11 баланың анасы Қ.Дарибаева, 10 балалы ана Ж.Егембердиева және 12-ші перзентін дүниеге әкелуге дайындалып жүрген Ж.Әлжановалар сөз сөйлеп, өз қуаныштарымен бөлісті.
Сондай-ақ, перзенттерін жалғыз тәрбиелеп жүрген 2 әке де осындай қуанышты күн сыйлаған ұйымдастырушыларға ризашылықтарын жеткізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
