ШЫМКЕНТ: ҮЙ-ЖАЙЛАРДА БЕТПЕРДЕ РЕЖИМІН САҚТАУ ТАЛАБЫ АЛЫНЫП ТАСТАЛДЫ
Шымкентте бетперде режимін сақтау талабы алынып тасталды. Бұл туралы бүгін Ақпараттық-коммуникациялық орталығы алаңында өткен брифингте Шымкент қаласының санитариялық-эпидемиологиялық бақылау департаменті басшысының орынбасары Айгүл Тұрымбетова мәлімдеді.
«Мегаполистегі эпидемиологиялық жағдайдың тұрақталуына байланысты Шымкент қаласының Бас мемлекеттік санитариялық дәрігерінің 2022 жылғы 28 наурыздағы №9 қаулысына сәйкес қаладағы шектеу шаралары жеңілдетілді.
Үй-жайларда бетперде режимін сақтау талабы алынып тасталды. Алайда медициналық ұйымдарға, қылмыстық-түзеу мекемелеріне барғанда және үй карантині жағдайында бетпердені кию міндетті» -деді спикер.
Спикердің сөзінше, осы жылдың 5-ші ақпаннан бастап қала «жасыл» аймақта. Өткен тәулікте 2 жағдай тіркелген (симптоммен – 1 (50,0%), симптомсыз – 1 (50,0%). Қарым-қатынаста болған 2 адам медициналық бақылауға алынған.
Айта кетейік, оқушылар мен студенттер арасында КВИ 30%-дан жоғары тіркелмеген.
Шымкент қаласының Ақпараттық-коммуникациялық орталығы
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
