ЕҢБЕКШІ АУДАНЫНДА БИЫЛ 34 КӨШЕ ЖАРЫҚТАНДЫРЫЛАДЫ
Шымкентте 2021 жылы көшелерді жарықтандыру көрсеткіші 43,4 пайызды құрады. Қала әкімі М.Әйтенов Еңбекші ауданы тұрғындарымен кездесуде биыл да бұл бағытта тиісті жұмыстар атқарылатынын мәлімдеді.
Шаһарда 747 әлеуметтік маңызы бар көшенің (1758 шақырым), оның ішінде 324-і жарықтандырылған. 2022 жылы қала көшелерін жарықтандыру көрсеткішін 57 пайызға жеткізу межеленіп отыр. Яғни, 102 көше, 2023 жылы 106 көшеге жарықшамдар орнатылады.
Еңбекші ауданында 92 көше (166,6 шақырым) жарықтандырылған. 2022 жылы 34 көше (51,1 шақырым), 2023 жылы 37, 2024 жылы 40, 2025 жылы 45 көшені жарықтандыру жұмыстары жүргізіледі. Жалпы биыл жарықтандыру көрсеткішін 31,0 пайызға жеткізу жоспарланған.
Дереккөз: Шымкент қаласы әкімдігінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
