БІЗ-РЕФЕРЕНДУМҒА СІЗДЕРМЕН БІРГЕ БАРАМЫЗ!
5-маусым тарихты таразылап, болашаққа нық қадам басар күн! Қазақ елінің 30 жылда жетпеген белесіне шығу жолында тыңнан түрен салу керек болып тұр. Сол үшін де мемлекет басшысы Қ.Тоқаев “Жаңа Қазақстан: жаңару мен жаңғыру” жолын ұсынды. Ата заңның үштен бір бөлігіне өзгерістер жасау қажеттігін қадау-қадау тараумен түсіндірді. Елді разы еткен бір мәселе бар. Ол, Президент өз өкілеттігін азайтып, биліктің тұтқасын халықтың өз қолына көбірек ұсынғанды жөн көріп отыр. Президенттің өз туыстарының мансап қуып, билікті майшелпекке айналдыруына жол бермеу керектігін кесіп айтты. Ұнамды ұсыныс! Жаңа Қазақстанға жарқын қадам басуды мақсат еткен референдумды Түркістан облысы журналистер мен блогерлер клубының мүшелері де қуана қуаттап отыр. Біз-Референдумға Сіздермен бірге барамыз!
Ерсұлтан Әмірбек,
Түркістан облысы ҚХА жанындағы журналистер мен блогерлер клубының төрағасы
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
