ПРЕЗИДЕНТ САЙЛАУЫ: ОРТАЛЫҚ САЙЛАУ КОМИССИЯСЫ АЛТЫ КАНДИДАТТЫ ТІРКЕДІ
20 қазандағы жағдай бойынша, Қазақстан Республикасының ОСК президенттікке алты кандидатты тіркеді. Олар:
- Қасым-Жомарт Тоқаев
- Мейрам Қажыкен
- Жигули Дайрабаев
- Қаракат Әбден
- Салтанат Тұрсынбекова
- Нұрлан Әуесбаев
Айта кетейік, 21 қазанда, яғни бүгін, кешкі сағат 18.00-де елімізде сайлауалды үгіт-насихат науқаны басталады. Үгіт жүргізу 18 қараша күні сағат 18:00-де тоқтатылады. 19 қараша — сайлау алдындағы тыныштық күні. Дауыс беру 2022 жылғы 20 қарашада жергілікті уақыт бойынша 07-00-ден 20-00-ге дейін өтеді.
Еске салсақ, дауыс беру 20 қарашаға белгіленген. Президент жеті жылға сайланады.
Түркістан облысының Өңірлік коммуникациялар қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
