ПРЕЗИДЕНТТІКЕ ҮМІТКЕР САЛТАНАТ ТҰРСЫНБЕКОВА ЖАНУАРЛАРҒА АРНАЛҒАН ОРТАЛЫҚТА БОЛДЫ
Қазақстан Республикасының Президенттігіне кандидат Салтанат Тұрсынбекова Астана қаласындағы жануарларға арналған орталыққа барды.
Онда мекеме қызметкерлермен кездесіп, өзінің сайлауалды бағдарламасымен таныстырды. Сондай-ақ, кандидат жұмысшылармен панасыз жануарларға қажетті көмек жөнінде сұхбат құрды.
Айта кетейік, ҚР Президенттігіне кандидаттардың үгіт-насихат жұмыстары 22 қазан күні басталған болатын. Насихат науқаны 19 қараша сағат 00:00-ге дейін жалғасады. Ал 19 қараша сағат 00:00-ден 20 қараша сағат 00:00-ге дейін «тыныштық күні» жарияланады. 20 қараша күні сағат 07:00-ден бастап күллі қазақстандықтар өз сайлау учаскелеріне барып дауыс бере бастайды.
Кез келген саяси науқан өзгеріске бастайтыны сөзсіз. Бұл жолғы кезектен тыс Президент сайлауы да тың бастамаларға серпін береріне сенімім кәміл.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
