ДӘСТҮРДІ ДӘРІПТЕГЕН ҚОС ДОДА
Биыл елімізде «Балалар жылы». Осыған орай әрі «Жеңіс» мерекесінің 77 жылдығы аясында қаламыздағы Ө.Жәнібеков атындағы №27 ІТ-мектеп-лицейінде оқушылар арасында дәстүрімізді дәріптеуді мақсат еткен қос сайыс өтті.
Түркістан қалалық білім бөлімінің қолдауымен және «Өнер» мектебінің ұйымдастыруымен өткен жыр додасын айтыскер ақын, «Өнер» мектебінің директоры Тұрар Тлеулиев жүргізді. Атап өтейік, «Жеңіс туы желбіре!» байқауында қалам тербеген жас жазба ақындар өзара бақ сынасса, «Дәстүрлі ән-терме қазынам» атты дәстүрлі әншілер мен термешілер сайысында қолына қос ішекті домбыра ұстаған оқушылар ән мен терме айтудан өнер жарыстырды.
Ұлтымыздың мәдениетін ұлықтайтын шараға айтыскер ақын, «алтын домбыра» иегері Бекарыс Шойбеков, «Түркістан» газетінің директоры Мәлік Дәулетов және қаламыздың бас имамы Мұхамеджан Жұмадуллаев қазылық етті. Байқау соңында жүзден жүйрік шыққан жеңімпаздар мен қатысушыларға алғыс хаттар табысталды.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
