23,2 МЛН ТЕҢГЕНІҢ ӨНІМІНЕ ИННОВАЦИЯЛЫҚ ҚОЛДАУ КӨРСЕТІЛДІ
Шымкентте 2022 жылы индустриялық-инновациялық қызмет субъектілерін ынталандыру мақсатында бірқатар жұмыс атқарылды. Атап айтқанда, индустриялық-инновациялық қызмет субъектілерінің өнімділігін арттыру үшін «QazIndustry» қазақстандық индустрия және экспорт орталығы» АҚ тарапынан 23,2 млн теңгеге Шымкенттегі 3 кәсіпкерлік субьектінің өтінімі мақұлданды. Олар – «SAGGROUPITEX» ЖШС, «KARLSKRONA LC AB» ЖШС және «EKOL TEXTILE» ЖШС.
Оған қоса 2021-2025 жылдарға арналған кәсіпкерлікті дамыту жөніндегі Ұлттық жоба шеңберінде жаңа бизнес-идеяларды (қолданылмаған материалдарды, технологиялар мен әдістер қолданатын) іске асыруға мемлекеттік гранттар бойынша 245,9 млн теңгеге 56 кәсіпкерлік субьектінің өтінімі мақұлданды.
Сондай-ақ, былтыр «QazIndustry» қазақстандық индустрия және экспорт орталығы» АҚ қызметкерлері «Оңтүстік» арнайы экономикалық аймақ, «Оңтүстік» және «Тассай» индустриалды аймақтарындағы кәсіпорындарға мемлекеттік қолдау шараларын түсіндіру жұмыстарын жүргізді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
