AMANAT ПАРТИЯСЫ ОРТАЛЫҚ САЙЛАУ КОМИССИЯСЫНА ҚҰЖАТТАР ӨТКІЗДІ
Amanat партиясы 19 наурызда өтетін кезектен тыс Мәжіліс және мәслихаттар депутаттары сайлауына қатысты құжаттарды Орталық сайлау комиссиясына ұсынды.
ОСК-ның құжаттарды қабылдау комиссиясының мүшелері Amanat партиясы өкілдері тапсырған әр құжатты жеке қарады. Ұсынылған құжаттар бойынша ескертулер болған жоқ.
«Біз бүгін Орталық сайлау комиссиясына Мәжіліс және мәслихаттар депутаттығына кандидаттардың құжаттарын тапсырдық. Amanat партиясының кеше өткен съезіне 2 мыңнан астам адам қатысты. Съезд нәтижесінде мәслихаттар депутаттығына 3821, ал Мәжіліске 119 үміткер ұсынылды. Сондай-ақ, съезд барысында Amanat партиясының алдағы мақсаттары мен қолға алынатын істер туралы нақтыланды», — деді Amanat партиясының атқарушы хатшысы Елнұр Бейсенбаев.
Айта кетсек, күні кеше Amanat партиясының кезектен тыс съезі өтті.
Аталған партия атынан Мәжіліс сайлауына 119 кандидат, мәслихаттар сайлауына 3821 кандидат қатысатын болды.
Өз кезегінде партия төрағасы Ерлан Қошанов Amanat-тың партиялық тізімі 75 пайызға жаңарғанын айтты.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
