ПОЛИЦЕЙЛЕР ТЫҢДАУШЫЛАРҒА АРНАЙЫ ДӘРІС БЕРУДЕ
Түркістан облысы Полиция департаменті Жедел-криминалистикалық басқармасының қызметкерлерінің ұйымдастыруымен полицияның оң имиджін қалыптастыру, криминалистика қызметінің мәртебесін арттыру мақсатында Қазақстан Республикасы ІІМ-нің Б.Момышұлы атындағы оқу орталығында іс-шара өтті.
Бұл жолы Түркістан облысы ПД Жедел-криминалистикалық басқармасы бастығының орынбасары полиция подполковнигі Дархан Зияев пен басқарманың криминалисі полиция капитаны Ақиқат Касымов еліміздің барлық өңірлерінен келген арнайы бастапқы оқу курсынан өтіп жатқан тыңдаушыларға дәріс өтті.
Спикерлер сотқа дейінгі тергеп тексеруді криминалистикалық қамтамасыз ету бойынша кәсіби бағдар берді. Сабақ барысында полицейлер «Криминалистика», «Криминалистикалық зерттеулер» тақырыптарындағы теориялық және тәжірибелік білімдерімен бөлісті.
Өз кезегінде Ішкі істер органдарына тағайындалғандарына көп уақыт бола қоймаған тыңдаушылар қызметкерлердің ақыл-кеңестерін саналарына сақтап, алдағы қызмет барысында тәжірибеде қолданатындарын және криминалистика саласына деген қызығушылықтары ұлғайғанын айтып, алғыстарын білдірді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
