МЕРГЕНДЕРДІҢ БОЛАШАҚҚА БАҒЫТТАЛҒАН ТАРИХ ЖАЙЛЫ ТАҒЫЛЫМЫ
Қарағанды гарнизонының әскери қызметшілері Ұлы Отан соғысының ардагері Мария Ефимовна Шинкевичті Жеңіс күнімен құттықтады.
Олармен бірге Арменияда өткен «Достастық жауынгері-2021» жарысында үздік мерген атанған Толқын Бәкіжанова да барды.
Мария Ефимовна 1944 жылы сәуірде Осакаров ауданынан әскерге аттанған. Мәскеудегі мергендер мектебінде оқыған ол 220-шы атқыштар дивизиясы 199-шы полкінің құрамында соғысқан. Жеңіс күнін мерген Прагада қарсы алды.
– Мария Ефимовна сынды сұрапыл соғыс тәжірибесі бар мергенмен танысуға өте қызықтым. Бұл кездесуден алғаным көп. Оның батылдығына тағзым етемін. Ерік-жігеріне таңдандым, – деді аға сержант Толқын Бәкіжанова.
Мария Ефимовна Шинкевич «Ерлігі үшін», «Украинаны азат еткені үшін», «1941-1945 жылдардағы Ұлы Отан соғысында Германияны жеңгені үшін» және басқа да медальдермен марапатталған.
Мергендік шеберліктің құпияларымен бөлісе отырып, Мария Ефимовна әскери қызметшілерге көрсеткен ықыласы үшін шын жүректен ризашылығын білдіріп, Отанды қорғау жолындағы игі істе табыс тіледі.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
