ЖҮК КӨЛІГІНЕ ҚИЫРШЫҚ ТАС АРТЫП, ЗАҢ БҰЗУШЫЛЫҚ ЖАСАҒАН ҮШ ТҰРҒЫН АНЫҚТАЛДЫ

132

Қазығұрт аудандық полиция бөлімінің қызметкерлері күнделікті қоғамдық тәртіп пен ел тыныштығын, қауіпсіздікті сақтаумен қатар, табиғатқа залал келтіріп, тау-тасты заңсыз пайдаланатындарды анықтауда жұмыс жүргізіп келеді.

Мәселен полиция қызметкерлері рейд жүргізу кезінде жер қойнауын заңсыз пайдалану бойынша құқық бұзушы үш тұрғынды анықтады. Олардан 2 жүк көлігі мен 1 қазу техникасы алынды.Аталған жайт ҚР ӘҚБтК-нің 139-бабы «Жер қойнауына ген мемлекеттік меншік құқығын бұзу» бойынша тіркелді.

Белгілі болғандай, жергілікті тұрғындар шағал қиыршық тастарды сату мақсатында «Камаз» маркалы жүк көліктеріне артып, әрі қарай алып кетпек болған. Алайда полиция қызметкерлерінің қырағылығының арқасында табиғатқа зиян келтіре алмады. Заң бұзушылық дер кезінде тоқтатылды.

Ал оқиға орнынан қашып кетіп, қайта ұсталған құқық бұзушыға қатысты ҚР ӘҚБтК-нің 613-бабы 1-бөлігімен айыппұл салынды. Қазіргі таңда аталған жайтқа қатысты жүк көліктері айыптұраққа қойылды.