ЗЕЙНЕТКЕРДІ ҚОРҚЫТЫП, ТОНАП КЕТКЕН ҮШ ЕР АДАМ ҰСТАЛДЫ
Төлеби аудандық полиция бөліміне жалғызбасты зейнеткер тұрғын әйел арызданды. Оның айтуынша, түнгі уақытта белгісіз үш ер адам үйіне терезесін бұзып, баса-көктеп кірді. Содан жатын бөлмесінен алтын бұйымдары мен екі ұялы телефонын, банк кәртішкелерін жымқырып кеткен.
Полицейлер аталған фактіні ҚР ҚК-нің 191-бабы «Тонау» бойынша тіркеуге алды. Тәртіп сақшылары аталған хабарламаны алған бойда, күдіктілердің жеке басын анықтауға бағытталған қажетті шараларды қабылдап, жедел-іздестіру жұмыстарын жүргізді. Тұрғындарда сұрастырылып, жақын аймақтағы бейнебақылау камераларын мұқият тексерді.
Нәтижесінде полицейлер күдіктілерді қолға түсірді. Олар жұмыссыз, бұрын сотты болған жергілікті тұрғындар болып шықты. Анықталғандай, олар қолды болған телефон мен алтындарды сатып, қаражатын бас пайдалары үшін жаратып жіберген. Қазіргі таңда сотқа дейінгі тергеп-тексеру амалдары жүргізілуде.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
