АСАР-2 ТҰРҒЫНДАРЫНЫҢ ТАЛАП-ТІЛЕГІ ОРЫНДАЛАТЫН БОЛДЫ
Қала әкімі Ғабит Сыздықбеков Асар-2 шағын ауданындағы Алмаз көшесінің тұрғындарымен кездесіп, өтініштерін тыңдады.
Жергілікті халық жолды кеңейту жобасының тиімсіз екенін алға тартты. Осыған дейін жоба бойынша аталған көшенің енін 60 метрге кеңейту жоспарланған болатын. Алайда қала басшысы тұрғындардың шоғырлану ерекшеліктері мен өтініш-тілектерін ескере отырып, халыққа еш зияны тимейтін шешім шығаруға уәде берді.
Қала әкімі тұрғындармен кездесу барысында жауаптыларға көтерілген мәселеге байланысты нақты тапсырмалар берді. Сондай-ақ тиісті басшыларға Бас жоспар негізінде азаматтарға «қызыл» сызық аумағына енбейтініне көз жеткіздіріп, түсіндірме жұмыстарын жүргізуді тапсырды.
Шымкент қаласы әкімінің баспасөз қызметі
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
