КЕНТАУДЫҢ ИНФРАҚҰРЫЛЫМЫНА ИНВЕСТОРЛАР 180 МЛН. ТЕҢГЕ ҚАРЖЫ САЛАДЫ
Тұрғын үй салу үшін жер берілетін аймақтарға алдымен инфрақұрылым тартылуы тиіс. Атап айтқанда, халыққа берілуі тиіс жерлер көпшілікке бөлінбей тұрып, онда электр жарығы, газ, су тартылып, жол төселуі қажет.
Кентау қаласында С.Сейфуллин көшесінде орналасқан учаскелерге демеушілер тарапынан инженерлік-коммуникациялық инфрақұрылымдармен қамтамасыз ету бойынша құрылыс жұмыстары басталды. Осы бағытта Кентау қалалық құрылыс және сәулет бөлімі мен «SagulovInvest`s» ЖШС арасында меморандум түзілген.
Меморандумға сәйкес «Sagulov Invest`s» ЖШС арқылы 708 метр аумаққа электр желілері мен 1 шақырымға газ құбырын тарту, ауыз су және кәріз жүйелерінің құрылыс-монтаж жұмыстарын жүргізу жоспарланған. Инвестиция көлемі – 180 млн. теңге.
Бүгінгі таңда инвестор есебінен жоғарыда аталған аумақта құрылыс-монтаж жұмыстары басталып, қарқынды түрде жүргізіліп жатыр.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
