«КИЕЛІ МЕКЕН»: АРЫСТА «ЖЕКЕН ШАЙЫҚ» КЕСЕНЕСІНІҢ АУМАҒЫ ТАЗАРТЫЛДЫ
«Киелі мекен» апталығы аясында Арыс қаласындағы тарихи-мәдени «Жекен Шайық» кесенесінің аумағы ретке келтіріліп, күл-қоқыстан тазартылды. Шараға «Жасыл Арыс» КММ қызметкерлері мен қоғам белсенділері қатысты. Сонымен қатар, аудандағы тазалық шараларына мекеме-кәсіпорындардан бастап, барлық ұйымдар өз үлестерін қосуда. Ал аудан тұрғындары тал мен гүл отырғызып, оларды күтіп-ұстау сынды жұмыстарды атқаруда.
Айта кетсек, «Жекен Шайық» кесенесі Арыс қаласынан 1,5 шақырым оңтүстік-шығыстағы жар төбесінде орналасқан. Төбедегі күмбезге 14 баспалдақ арқылы көтеріледі. Кесененің ішінде қабір бар.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
