ҚҰРМЕТТІ МӘДЕНИЕТ ЖӘНЕ ӨНЕР САЛАСЫНЫҢ ҚЫЗМЕТКЕРЛЕРІ!

Сіздерді төл мерекелеріңізбен шын жүректен құттықтаймын!

Сіздер рухани байлықты толықтыруда және игі дәстүрлерді жалғастыруда аянбай еңбек етіп келесіздер!

Мәдениет пен өнер — ұлы мұра әрі ұлттың рухани болмысы.

Өркениетті ұлт, ең алдымен, тарихымен, өнерімен, әлемдік мәдениеттің алтын қорына қосқан үлесімен танылады, бағаланады.

Бұл күн – музей, кітапхана, театр, филармония, мәдениет үйлері қызметкерлерінің ғана емес, сонымен қатар сала ардагерлерінің, жалпы өнер сүйер қауымның шығармашылық мерекесі.

Қасиетті Ордабасы өңірі өзіндік мәдениеті қалыптасқан, тарих тереңіне тамыр тартқан өнер тарландарына бай өлке. Киелі де қастерлі Ордабасының топырағында дүниеге келіп, бүгінгі таңда республика көлемінде өнер көрсетіп жүрген таланттарымыз мерейімізді үстем етіп, ауданымыздың атын танытып жүр. Яғни, ауданымыздың мәдениет саласының қызметкерлері елдігімізді, ғасырлар бойы мұра болған асыл қазынаны – ұрпаққа жеткізу жолында аянбай еңбек етуде. Осы орайда халықтың көңілінен шығып жүрген Сіздерге алғыс білдіргім келеді. Мәдениет саласының одан әрі гүлденуіне, өнеріміздің асқақтауына қызмет етіп, халқымыздың ыстық ықыласына бөленіп жүре беріңіздер!

Қадірлі мәдениет, өнер саласының қызметкерлері!

Өздеріңізді кәсіби мерекелеріңізбен құттықтай отырып, дендеріңізге саулық, отбасыларыңызға амандық, шығармашылықтарыңызға табыс тілеймін!

Ізгі ниетпен,

Азат Оралбаев

Аудан әкімі