БЕЛСЕНДІ ЖАСТАР АРАСЫНДА ҚАЛАЛЫҚ ДЕБАТ ТУРНИРІ ӨТТІ
Белсенді жастар арасында қалалық дебат турнирі сәтті аяқталды. Турнир барысында жас қатысушылар “АЭС-тің экономика мен экологияға пайдасы” тақырыбында қызу пікір алмасты. Олар атом энергетикасының артықшылықтары мен кемшіліктерін талқылап, бұл мәселенің экономикалық және экологиялық аспектілеріне қатысты түрлі көзқарастарын білдірді.
Қатысушылардың пікірталас мәдениеті мен терең талдаулары көрермендер мен қазылар алқасын тәнті етті. Турнирдің нәтижесі бойынша үздік деп танылған командалар мен жекелеген қатысушылар анықталып, жеңімпаздарға “Amanat” партиясының атынан алғыс хаттар табыс етілді.
Бұл турнир жастардың ойлау қабілеттерін дамытып қана қоймай, олардың қоғамдық мәселелерге белсенді араласуына ықпал етті. Жастар арасындағы мұндай іс-шаралар ел болашағына бейжай қарамайтын азаматтарды тәрбиелеудің маңызды құралы болып табылады.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
