РЕСПУБЛИКА КҮНІНЕ ОРАЙ ШАРДАРАЛЫҚ ЕРІКТІ ЖАСТАР СЕНБІЛІККЕ ШЫҚТЫ
25 қазан Республика күніне орай, Шардара ауданы әкімдігінің ұйымдастыруымен «Таза Қазақстан» шарасы аясында сенбілік өтті. Бұл бастамаға ауданның ерікті жастары атсалысқан. Тазалық шарасына 150 ерікті мен 8 техника жұмылдырылып, суқойма жағалауынан тұрмыстық қалдықтар шығарылды.
Жалпы 2024 жылдың басынан «Таза Қазақстан» экологиялық шарасы аясында аудан тұрғындары мен мемлекеттік мекеме қызметкерлерінің қатысуымен апта сайын тұрақты түрде сенбілік жұмыстары ұйымдастырылып келеді. Бүгінгі күнге дейін аймақта өткізілген сенбіліктер нәтижесінде 576 тонна қоқыс арнайы полигондарға жеткізілді.
Ara24.kz қоғамдық-саяси, ақпараттық танымдық, сатиралық сайт
Жүз жылдық тарихы бар азуын айға білеген «Ара» журналын әлеуметтік желі арқылы қайта жаңғыртып, қанат қақтыруды мақсат етіп отырмыз. Мұнда əзіл-сықақ, əжуа, мысал-мысқыл, пародия, эпиграмма, оқшау сөз секілді сатираның əрқилы саласын қамтып қана қоймай, алаяқтардың атын атап, түсін түстейтін яғни, нақты фактіге құрылған фельетон жанрын жандандырмақпыз. Біздің бағдарламаға баса назар аударсаңыз күлесіз де білесіз, білесіз де күлесіз. Əзілдеріңіз жарасып, əжімдеріңіз күлкінің ізін ғана көрсететіні сөзсіз.
